على درب القصيد أسوق , قلبي والخطاوي شوق
وإذا مالت بي الخطوة , على دربك تناسيته
يهز الشوق بأعماقي , عناقيد الغرام عذوق
ويقطف بالغلا فيني , غرامٍ خنت وأخفيته
أحبك كثر ما يشعل , غرامك في حشاي حروق
وشبٌه زود لو يحرق , ضلوعي مت ما اطفيته
أحبك دمعةٍ طاحت , على خد الصباح اشروق
يموت النور لو طاحت , على كفي وضميته
أحبك , إيه أحب إسمك .وأموت بجيدك المنتوق
و تخيل كثر ما أكره صدودك , قمت حبيته
تعال , إجرح على كيفك , تربع واستحل عروق
تدلل والبساط أحمد , وأنا لرضاك مديته
قم إسهج لآخر ضلوعي, تغلغل داخلي برفوق
حلالك ما بقى مني , مع اللي لأجلك أفنيته
من اللي من غديت أجمل قصيدة ما غدا له ذوق
ومن اللي كتب باسمك قصيده وانكسر بيته
وربي , من كتبت إسمك وبروزته بقلبي فوق
وأنا ما دار في بالي , قصيد ما تحاليته
دخيل الدمعتين اللي, غدت منها الخدود شقوقت
ترفق سامحك ربي , على قلبٍ لك أهديته
إذا لك حق في قلبي , فأنا لي في غلاك حقوق
و حقوق الشوق محفوظة , وحدي ما تعديته
